Babai i pashëm i Dua Lipës nuk u ka shpëtuar as mediave të njohura botërore.
“Buzzfeed” i ka dedikuar një shkrim pamjes fizike të Dukagjin Lipës dhe e ka kthyer në një lajm me titull “Mos i thoni Duas por ne e kemi fiksim babain e saj”. Më poshtë keni të përkthyer disa pjesë nga artikulli:
“Nëse po e lexoni këtë nga planeti Tokë jemi të sigurt që e njihni Dua Lipën, ose të paktën e keni dëgjuar njëherë hitin “New Rules”. Pasi e filloi si një adoleshente duke regjistruar cover-a në youtube, tani 22-vjeçarja ka firmosur një kontratë me “Warner Music Group”.
Dhe tani falë një përdoruesi të “Twitter” dhe kontrollit të tij me detaje ne tashmë dimë një detaj për Duan të cilin duhet ta dini edhe ju: faktin që babai i saj është shumë i pashëm.
Pra po, ne tashmë kemi një tjetër baba fiksim. Me origjinë nga Kosova, Dukagjin Lipa, është një muzikant rroku . Në vitin 2016, Dua Lipa u shpreh në një intervistë se falë babait të saj ajo është rritur me muzikë rreth e përqark shtëpisë”.
