Ndërkohë që po përflitet për një krizë në familjen e Britney Spears, këngëtarja nuk po ndikohet aspak, përkundrazi!
Ajo ka vendosur të merret pak me look-un dhe të shndërrohet totalisht duke u kthyer në brune.
Britney, të cilën e njohim historikisht si një bjondinë (përveç rastit kur u qeth zero), publikoi në Instagram fotot me look-un e ri, më të errët.
“Fytyrë e njëjtë, fustan i njëjtë, flokë të reja”, shkruan Britney në postimin e ri.
Pamjet vijnë pak orë pasi ish-partneri i saj Kevin Federline akuzoi të atin e këngëtares, Jamie Spears se ka abuzuar me djalin e tyre.
Ish-balerini profesionist, i cili ka fëmijët Sean Federline, 13 vjeç, dhe Jayden James Federline, 12 vjeç, me këngëtaren, ka ngritur një akuzë në polici kundër ish-vjehrrit të tij.
Një burim tregon për “E News” se Kevin e paraqiti raportin më 25 gusht pas një zënkë të dyshuar fizike midis Jamës dhe djalit të tij të madh Sean.
Sipas “TMZ”, ata u përfshinë në një argument dhe “në një moment Jamie dyshohet se vuri dorë mbi të”, por Sean nuk u lëndua.
Britney, e cila u fejua me Kevin në vitin 2004 dhe bëri kërkesë për divorc ish-balerini në vitin 2006, ende nuk ka komentuar publikisht për akuzat kundër babait të saj.
