Më 26 prill 2025, Papa Françesku do të përcillet në një ceremoni solemne në Sheshin e Shën Pjetrit në Vatikan. Ceremonia do të fillojë në orën 10:00 të mëngjesit me orën lokale dhe drejtohet nga Kardinali Giovanni Battista Re, dekani i Kolegjit të Kardinalëve dhe pritet të mbledhë mbi 200,000 besimtarë dhe pelegrinë nga e gjithë bota.
Po ashtu, janë ftuar më shumë se 130 delegacione ndërkombëtare dhe 50 liderë shtetërorë, përfshirë Presidentin amerikan Donald Trump, Princin William të Mbretërisë së Bashkuar, Presidentin ukrainas Volodymyr Zelensky dhe shumë të tjerë.
Në përputhje me dëshirën e tij për një funeral të thjeshtë, trupi i Papa Françeskut do të varroset në Bazilikën e Santa Maria Maggiore në Romë, një vend që ai e konsideronte shumë të shenjtë. Ky do të jetë një moment historik, pasi për herë të parë që nga viti 1903, një papë do të varroset jashtë Vatikanit.
