Kryeministri britanik, Boris Johnson ditën e sotme ka lënë spitalin!
Pas disa ditëve qëndrimi në një spital në Londër, ai ia ka dalë të mposhtë koronavirusin dhe tashmë gjendja e tij shëndetësore është stabilizuar.
Në një raport të bërë publik, thuhet se Johnson, pavarësisht se tashmë është mirë nuk do i kthehet menjëherë punës.
Me urdhër të mjekëve ai do të qëndrojë për disa ditë në shtëpi dhe më pas gradualisht do të rikthehet në punë.
“Me këshillën e stafit mjekësor, kryeministri Johnson nuk do të fillojë menjëherë punën, pasi për një kohë i duhet të pushojë. Ai i ka falënderuar mjekët për ndihmën, ndërsa mendimet e tij janë me ata që janë të prekur nga kjo sëmundje”, thuhet në raportin e kryeministrisë.
Kujtojmë se ditën e sotme miqtë e kryeministrit bënë me dije për mediat se gjendja e tij prej 5 prillit ishte shumë e vështirë.
Madje, ai ka qenë në prag të vdekjes, por falë punës së mjekëve ai ja doli të mbijetojë.
Në Angli janë 78991 persona të prekur me koronavirus dhe 9875 viktima deri tani, 917 prej të cilave në 24 orët e fundit.
