Temperaturat janë ulur dhe disa zona të vendit janë përfshirë nga reshjet e dëborës. Nëse do të udhëtoni sot me makinë atëherë duhet të dini që disa rrugë janë të bllokuara.
Në akset Kukës – Bushtricë, Kukës – Ura e Zapodit, si dhe akset e Dibrës po punohet me mjete borëpastruese dhe qarkullimi kryhet pa probleme.
Në akset e Tropojës dhe në Bogë-Dedaj-Razëm ka pasur reshje bore. Kontraktorët kanë bërë pastrimin me mjetet borëpastruese, akset qarkullohen normalisht pa zinxhirë.
Edhe në Qafë Mali-Fierzë, ku trashësia e borës ka arritur 15 cm, kontraktorët po punojnë pa ndërprerje që prej orëve të mbrëmjes.
Segmenti Mjedë-Pukë-Fushë Arrës është pastruar nga bora, kalimi pa zinxhirë.
Segmenti Fushë Arrës- Fushë Dukagjin ka pasur reshje të herë pas hershme gjatë natës dhe në vazhdim, rruga është e hapur, po punohet për ta përmirësuar.
Useku (unaza e re) Bulqizë, rruga e kalueshme pa zinxhirë.
Në të gjithë Qarkun Korçë ka pasur reshje bore dhe Korçë-Ersekë, në Qafën e Qarrit. Qarkullimi në Boboshticë dhe në Dardhë bëhet me zinxhirë, në akset e tjera nuk ka probleme.
Rekomandohen përdoruesit e rrugës të respektojnë sinjalistikën dhe të bëjnë kujdes për shkak të lagështisë në rrugë, sidomos në orët e para të mëngjesit dhe gjatë natës.
