Brad Pitt ka një të dashur të re në jetën e tij tre vjet pasi u nda nga Angelina Jolie.
Aktori e ka mbajtur të fshehtë lidhjen me stilisten dhe gurunë shpirtërore Sat Hari Khalsa për tre muajt e fundit, sipas UsWeekly.
Dhe sikur të mos mjaftonte kjo, faqja dha një bombë tjetër: 55-vjeçari i famshëm i Hollivudit filloi të takohej me bjondinën bukuroshe, pasi u nda nga 44-vjeçarja Charlize Theron.
Burimi thoshte se Brad nuk qante vetëm në shtëpi pas ndarjes, por përkundrazi ishte i lidhur me Theron, lidhje e cila ishte raportuar në fillim të këtij viti.
Por me sa duket kjo nuk zgjati shumë, dhe kjo sipas burimit, sepse Pitt nuk dëshironte të bëhej e madhe lidhja e tij me Theron si ajo me Jolie-n.
Kështu ai u hodh në krahët e një bjondeje tjetër më pak të famshme.
Çifti i ri u takua për herë të parë në vitin 2018 në Conservatory of Music Annual Benefit dhe Ankandin e Artit të organizuar nga Red Hot Chili Peppers.
Të dy ishin të ulur në të njëjtën tryezë dhe menjëherë filluan të bisedonin.
“Sat është një grua shumë e fortë dhe ka një mendje të bukur. Kjo është ajo që e tërheq atë”, thotë burimi.
Brad nuk është i interesuar të takojë këdo që është në industrinë e argëtimit, shton ai.
Pra aktorit i paskan ardhur në majë të hundës aktoret.
