Kantautori dhe këngëtari Bojken Lako ka qenë sot i ftuar në emisionin “Rreze Dielli”, ku ndër të tjerash ka folur edhe për jetën e tij private.
I pyetur nëse do të bëjnë dasmë Lako u përgjigj:
“Normalisht që do bëjmë dasmë, por ashtu siç i bëjmë gjërat e çuditshme, mbase do bëjmë ndonjë gjë të çuditshme atëherë kur duhet ose do jetë mirë për të bërë diçka speciale. Normalisht që çdo njeri ka dëshirë të bëjë një ceremoni që ta mbajë mend me njeriun e tij të zemrës”.
Prej disa vitesh ai jeton me Semi Jaupaj për të cilën u shpreh se është jashtëzakonisht mbështetëse ndaj punës së tij.
“Gjatë gjithë këtyre viteve jam mbështetur shumë te Semi dhe kam marrë një lloj drejtimi dhe orientimi shumë të mirë sepse e kam konsideruar si njeriun që edhe ana profesionale e shijeve të veta, por edhe si publik sepse ajo ka dëshirë që të më shohë si publik i thjeshtë. Më ka ndihmuar, jashtëzakonisht shumë mbështetëse edhe nga ana profesionale”.
Së fundmi Bojken Lako ka publikuar edhe këngën e tij më të re me titull: “Dance on the Weekend”.
Burimi: Emisioni “Rreze Dielli”
