Shumë prej jush ndoshta ju është bërë fiksim, që sa herë blini një çantë apo veshje kontrolloni xhepat e tyre! Por një grua nga Arizona, Laura Wallace, gjeti brenda çantës së re që bleu në “Walmart” diçka shumë të veçantë: Një shënim të shkruar nga një i burgosur në Kinë.
Pasi pa shënimin Laura ka nxituar të gjejë një përkthyes të gjuhës në fjalë në mënyrë që ta deshifrojë tekstin, i cili shkruante:
“Të burgosurit në burgun e Yingshan në Guangxi të Kinës po punojnë 14 orë në ditë pa pushim në mesditë, vazhdojnë të punojnë jashtë orarit deri në 12 të mesnatë dhe kushdo që nuk e përfundon punën e tij do të rrihet. Ushqimet e tyre janë pa vaj dhe kripë. Çdo muaj, shefi i paguan të burgosurit 2000 juan (265 euro). Nëse të burgosurit janë të sëmurë dhe kanë nevojë për mjekësi, kostoja do të zbritet nga paga. Burgu në Kinë është ndryshe nga burgu në Amerikë”, përfundon tekst shkruesi i këtij mesazhi”.
Letra është postuar në mediat vendase dhe të huaja dhe padyshim që reagimet kanë qenë të shumta, sepse askush nuk e di me të vërtetë se çfarë bëhet në burgje përveç atyre që u bie ta provojnë.
Ndërsa dyqani ku është blerë çanta që mbante shënimin ka lëshuar një deklaratë lidhur me incidentin:
“Ne nuk mund të komentojmë në mënyrë specifike për këtë shënim, sepse nuk kemi një mënyrë për ta verifikuar origjinën e kësaj letre edhe pse është në një gjuhë identifikuese siç është ajo kineze”, shkruan “Walmart”.
“Walmart” është një ndër korporatat më të mëdha në Amerikë të shitjes dhe prodhimit të markave dhe aksesorëve, e krijuar që prej vitit 1962. Pra, çanta që është gjetur letra nuk është prodhuar në Kinë, çfarë të shtyn të mendosh se tekstshkruesi edhe mund të ketë lidhje me punëtorët e kompanisë “Walmart” në Amerikë, pasi numëron më shumë se 2.3 milionë punonjës në 28 shtetet ku operon.
Burimi: NYPost
