Disa javë më parë, “Iconstyle.al” bëri të ditur se Kledi Bahiti ishte larguar nga grupi i famshëm i producentëve, “Threedots Production”. (Lexo këtu)
Burime për ne treguan se ai kishte disa kohë që nuk bashkëpunonte më me djemtë, por arsyet e largimit të tij nuk u bënë të ditura.
Disa ditë më parë Flori i bëri lëmsh të gjithë, duke ndarë një foto të pjesëtarit të ri në InstaStory, Martin Mane, i cili është djali i Samir Manes.
“Producenti i ri në “Threedots Production.”-janë fjalët e Florit krahas postimit, megjithatë dy djemtë janë shokë dhe ende nuk dihet nëse Martini është zyrtarisht pjesëe grupit, apo kjo është thjesht një shaka e Florit.
Pas Martinit, duket se “Threedots” ka bërë një tjetër blerje të bujshme me të cilën na ka njohur Bruno.
Bëhet fjalë për një mace me emrin Mia të cilës djemtë madje i kanë hapur edhe një llogari në Instagram me emrin “miagocastudios” dhe as që e vëmë në dyshim që i ka shtuar lezetstudios, vetëm se nuk e prisnim këtë pjesëtare të re .
“Threedots Production” është një ndër produksionet më në zë të momentit. Në bazë të statistikave, mund të renditet si studio më e madhe e produksioneve muzikore në Shqipëri, e cila ka realizuar qindra projekte muzikore të artistëve shqiptarë.
