Aktori i njohur shqiptar, që e shihni çdo të shtunë te “Shiko kush Luan”, Gent Hazizi, ka reaguar ndaj ofendimeve që i bëri këngëtarja shqiptare në publik.
Bëhet fjalë për një koment që u bë në një prej rubrikave të emisionit “Shiko kush Luan” . Teksa Gent Hazizi, merrte në intervistë Armand Pezën, këtij të fundit i është kërkuar të bënte çift të supozuar Bleona Qeretin, me një këngëtar shqiptar.
Peza ka zgjedhur Flor Mumajesin, dhe Genti e ka konfirmuar këtë “lidhje”, duke thënë “shkojnë, shkojnë”. Ky koment e ka mërzitur këngëtaren e cila ka filluar të gjejë informacione rreth aktorit. Pasi ka pyetur se kush është Gent Hazizi, Bleona i ka dedikuar një status të gjatë atij, në “Instastory”.
“Pyeta 100 gazetarë në Shqipëri se si e kishte emrin ky mjekër cjapi…nuk e dinte njeri. Më thanë që është një biçim aktrori, por që sigurisht nuk është aq i talentuar sa duket dhe tani punon si moderator. E kuptoj frustrimin tënd prej dështaku. Për një artist ose më saktë, një njeri që ka ëndërr të jetë artist duhet të jetë i tmerrshëm fakti që të jesh kaq vjet në shoëbiz dhe të mos e dinë emrin as gazetarët e jo me publiku”,- shkruan Bleona në Instastory-in e saj.
Ndaj dhe Genti “me lezet”, ia ka kthyer Bleonës duke i thënë se ajo ka qenë ëndrra e tij e fëmijërisë, ndërsa e ka ftuar në shfaqjen e tij në teatër:
“Bleona Qereti: ti je ëndrra ime që nga fëmijëria si këngëtare e madhe, je ëndrra e të gjithë shqiptarëve kudo që janë si një profesioniste e shkëlqyer e muzikës, je ëndrra e të gjithë meshkujve shqiptarë për sensualitetin femëror. Ndjesë! Ndjesë! Në spektaklin “Shiko kush luan” u përmende në një lojë që emisioni bën për nder të VIP- ave. Të ftoj të kuptosh se çfarë mendoj për ty në premierën time “Çfarë do të bëhem kur të rritem?”. Të përqafoj!”
