Blendi Fevziu ka shprehur qëndrimin e tij për teatrin në një intervistë për emisionin “Në kurthin e Piter Pan”, me Alketa Vejsiun.
Pas shkrimit që publikoi dje pas prishjes së godinës historike të teatrit, Blendi dha opinionin e tij shkurtimisht.
Sipas Blendit, godina e vjetër e teatrit nuk vlente, por duhet të qëndronte si pjesë e trashëgimisë kulturore të shqiptarëve. Moderatori gjithashtu u shpreh kundër ndërtimit të një teatri të ri duke marrë parasysh kostot e mëdha që kërkon projekti i ri, për të cilin kryebashkiaku tha se do të merret kredi.
Nëse dikush do ta pyeste aktualisht se çfarë duhet bërë në vijim, moderatori është pro ndërtimit të teatrit të vjetër, të njëjtës strukturë por më modern që i përmbush kërkesat e artistëve.
Nuk mendoj se ai vlente si teatër kombetar, godina duhet të qëndronte, por jam kundër ndërtimit të një teatri modern me kostot e mëdha.
Me këto para që duan të bëjnë teatrin e ri le të rindërtojnë teatrin e vjetër sic ishte, por modern, struktura e jashtme të ruhet
Po të më pyesësh mua, unë jam për të ruajtur trashëgiminë. Nuk mund të vendosin artistët nëse duhet shembur një godinë historike se i takon gjithë shqiptarëve, trashëgimisë së tyre”.
