Do braktisë apo jo televizionin “Klan” Blendi Fevziu? Ky lajm ka qënë kryefjala e kësaj jave, e mesa duket moderatori ka vendosur të “torturojë” mediat, teksa ende nuk ka marrë një vendim, por po e konsideron ofertën. Në një intervistë për emisionin “Provokacija”, Fevziu tregoi se është e vështirë të merret një vendim, pasi po e mban pezull tundimi emocional.
“Vendimi që do të marr, nëse do e marr, do të më dhembi shumë. Nuk është se do të thosha që më keni parë 21 vjet në emision dhe nuk do më shikoni më. Ka të bëjë me lëvizjen. Është diçka që ndodh rëndom në botën e futbollit. E keqja është se këtu, vendimi shihet si financiar, por mund të jetë dhe një vendim emocional. Nuk e kam vendosur akoma. Nuk e kam vendosur, se po ta kisha vendosur, s’do e zgjasja. Jam duke parë edhe atë tundimin e forcës për të më mbajtur. Nëse vendimi ka një dorë emocionaliteti brenda, është edhe më i paqartë. Nëse do të ishte një vendim emocional, do të ishte shumë më i thjeshtë. Racionaliteti krijon qartësi.” – u shpreh moderatori i “Opinion”.
