Aktorja e njohur Blake Lively tashmë ka postuar disa foto në Instagram, ku ka ekspozuar barkun e saj të rrumbullakosur.
Jo vetëm kaq por ajo ka thumbuar edhe paparacët, të cilët ndodhen jashtë shtëpisë së aktores dhe duan ta fotografojnë.
“Këtu janë fotot e mia shtatzënë në jetën reale, kështu që 11 djemtë që presin jashtë shtëpisë sime për një foto do të më lënë të qetë,” shkroi si fillim aktorja me famë botërore.
Më pas, ajo shkroi: “Ju na trembni mua dhe fëmijët e mi. Faleminderit të gjithëve për gjithë dashurinë dhe respektin dhe për vazhdimin e të bërit e unfollow llogarive që shpërndajnë foto të fëmijëve. Ju keni të gjithë fuqinë kundër tyre. Dhe faleminderit mediave që kanë një ‘No Kids Policy”. Ju të gjithë bëni ndryshimin ♥️ . Shume dashuri! Xxb”
Blake Lively është shtatzënë. Aktorja e njohur dhe bashkëshorti i saj, po ashtu aktor, Ryan Reynolds janë në pritje të fëmijës së tyre të katërt.
Blake surprizoi me daljen e saj të fundit, e cila vezulloi e gjitha me fustanin që kishte përzgjedhur dhe vëmendjen e mori barku i rrumbullakosur.
Aktorja është nënë e tre fëmijëve të saj James, 7, Inez, 5 dhe Betty, 2 vjec dhe tashmë është në pritje të fëmijës së katërt.
