Mëngjesi i 9 marsit ishte mëngjesi që shënoi dy të infektuarit e parë me COVID-19 në vendin tonë.Izolimi dhe respektimi i masave nga të gjithë u bë tema kyresore në Shqipëri dhe jo vetëm. Përgëzimet që qeveria dhe populli shqiptar mori për respektimin e masave parandaluese të koronavirusit ishin të shumta.
Por gjatë këtyre ditëve duket se gjërat po ndryshojnë, kjo jo vetëm nga shtimi i madh i të infektuarve por edhe masat lehtësuese që po jepen për turistët që vijnë nga jashtë.
Mbrëmjen e sotme ministri i turizmit Blendi Klosi ishte i ftuar në Ora News ku foli për turizmin, masat që po merren nga qeveria por edhe hotelet dhe operatorët turistikë për të pritur turistë që vijnë nga jashtë.
Ngjarja e cila tërhoqi vëmendjen e opinionit publik shqiptar gjatë kësaj fundjave ishte ardhja e charter-it të parë me turistë nga Bjellorusia, temë për të cilën ministri Klosi u pyet edhe nga Beti Njuma.
Kujtojmë që Bjellorusia është një ndër vendet që brenda ditës arrin rreth 800 të infektuar në ditë, kjo shumë shqetësuese për shqiptarët që nuk po lejohen të udhëtojnë, por jo për ministrin Klosi që pasi u pyet nga gazetarja përmendi faktin se Bjellorusia është treguar indiferente ndaj masave parandaluese të COVID-19, jo si pjesa më e madhe e vendeve, apo edhe vetë Shqipëria.
Klosi gjatë intervistës u pyet dhe nëse turistët e ardhur ishin testuar apo jo për koronavirusin, pasi ishte një numër relativisht i madh, 189 turistë.
“Ata që kanë udhëtuar me avion kanë qenë shumë të kontrolluar në hyrje të aeroportit të Rinasit nga paijse të reja dhe një ekip mjekë shumë i specializuar.”
Ministri i turizmit për këtë tha se turistët janë kontrolluar në aeroport me paisjet më të fundit dhe një ekip të specializuar, por harroi të përmendë nëse kishin bërë tampon apo jo.
Kontrollet në aeroport janë vetëm për temepraturën, kontroll ky shumë i rëndomtë pasi matja e temperaturës bëhet kudo, në qendra tregtare, banka dhe institucione të tjera për të respektuar rregullat e ndalimit të përhapjes së COVID-19.
Por a mjafton vetëm një matje temperature për të treguar nëse 189 turistë të ardhur nga një vend me valë të dytë infektimesh janë të infektuar.
Matja e temperaturës nuk është element parësor në evidentimin e të infektuarve, pasi deri më tani ka patur shumë raste të personave që nuk kanë shfaqur asnjë simptomë të COVID-19, por që kanë qenë bartës të fshehtë të tij. Kjo mund të sjelllë një shpërthim të ri me të infektuar në vend.
Për këtë rast ka folur edhe mjeku Petrit Vargu, në emisionin “360 gradë”ku tha se 189 turistët e ardhur nga Bjellorusia, vend me një numër të lartë të infektuarish duhet të kishin bërë tamponin për të parë nëse janë bartës të COVID-19, në mënyrë që hapja dhe lehtësitë që po i krijohen turizmit mos të sjellin pasoja katastrofike për vendin.
Mundësia që këta turistë të kenë sjellë me vete virusin dhe ta shpërndajnë në vendin tonë janë të shumta duke dëshmuar që hapja e vendit dhe e turzimit në veçanti po bëhet në mënyrë të papërgjegjshme dhe pa marrë masat e duhura.
Kujtojmë që para dy javësh një turiste ukrainase u infektua.Më parë ajo kishte qenë e karantinuar në Tiranë, theu karantinën dhe lëvizi drej Sarandës për të festuar ditëlindjen e saj.
