Rita Lati ishte e ftuar dje në emisionin “Boom” për të folur mbi temën e ngacmimeve seksuale. Aktorja simpatike e humorit shqiptar u shpreh se atë nuk e ngacmonte njeri, por vajzën e saj Rozën po.
“Nuk e di nëse Roza do të jetë dakord ta them, por unë do e them. Roza kërkonte sponsor dhe takon njërin që ishte 60 e ca vjeç, me barkun e madh. Ajo i flet për emisionin, ai i kishte kërkuar seks”, tregoi Rita.
Aktorja rrëfeu se Roza nuk e kishte përjetuar aspak mirë këtë situatë.
“Roza erdhi e traumatizuar, ishte tronditur sesi ai ja kishte thënë troç ‘Të du për qejf, të du për seks’. Ishte shumë e tronditur dhe nuk i dilte nga mendja”, u shpreh aktorja e humorit.
