Lewis Hamilton dhe Serena Williams do të investojnë miliona paund për një nga ofertat në garë për t’u bërë pronarët e rinj të klubit të Chelsea.
Sipas “Sky News” dy sportistët, bëjnë pjesë në grupin e investitorëve që mbështesin ofertën e blerjes së Chelsea, i cili drejtohet nga Sir Martin Broughton, ish-presidenti i Liverpool dhe drejtuesi i British Airways.
Gjithashtu sipas burimit në fjalë dyshja e njohur do të investojnë 26 milionë dollarë në ofertën e Sir Martin Broughton për të blerë Chelsean.
Serena Williams and Sir Lewis Hamilton will invest $26M into Sir Martin Broughton’s bid to buy Chelsea, reports @SkyNews pic.twitter.com/lky9iWXrWo
— B/R Football (@brfootball) April 21, 2022
Si Hamilton i cili do të garojë për Mercedes në Çmimin e Madh të Emilia Romagna në Imola këtë fundjavë – edhe Williams, e cila ka fituar 23 Grand Slam, mes tyre 7 tituj Wimbledon – në vitet e fundit janë bërë investitorë të rëndësishëm në sektor.
Përfshirja e tyre për blerjen e Chelsea është e papritur, pasi Hamilton është një tifoz i Arsenal.
Megjithatë Hamilton dhe Williams, janë në bisedime me grupin e udhëhequr nga Broughton për disa javë. Nuk është ende e qartë se çfarë mjeti do të përdorin Hamilton dhe Williams për të investuar te Blues. Një burim pranë grupit pohoi se vendimi i Hamilton dhe Williams është marrë në bazë të përvojës së tyre në krijimin e markave sportive globale.
