Kledi Hysa është i eleminuari i mbrëmjes së sotme.
Ai la përfundimisht shtëpinë e ‘’BBV’’ teksa fajin për këtë ia lë edhe konfuzionit që u krijua mes tij, Beatrixit dhe Arjolës.
‘’E kam shijuar shumë këto javë dhe jam përpjekur të kaloja mirë me të gjithë banorët. Mendoj që situata me vajzat më ka penalizuar’’,- tha ai.
Opinionistët përveç analizave të lojës së tij, e kanë komplimentuar Kledin për pozitivitetin dhe energjinë e mirë të transmetuar brenda shtëpisë.
‘’Mendoj që duhet të kishte treguar më shumë për jetën e tij personale por edhe të ishte pjesë e disa debateve, diskutimeve mendoj se do të tregonte një anë tjetër të Kledit’’,- tha Meridiani, opinionist i mbrëmjes së sotme.
Ndërsa në nominim janë Einxhel, Beatrix dhe Beniada.
Në Top Channel “Big Brother Vip” këtë vit ka zbritur nga “froni” “Portokalli”, duke u bërë emisioni më i shtrenjtë për të reklamuar. Kështu një sekondë para se Reality show të nisë transmetimin kushton 5700 lekë, kurse gjatë transmetimit, 11,000 mijë lekë. “Portokalli” për reklamat që transmetohen para spektaklit kushton 4300 lekë, kurse gjatë transmetimit, 8500 lekë.
Të tretët ndër më të shtrenjtët janë sërish dy emisione të lidhur me “Big Brother VIP”; i pari është “Përmbledhje Ditore e BB VIP” dhe i dyti “Fun Club BB VIP”, ku çdo sekondë gjatë transmetimit paguhet 4600 lekë.
