Banorët e “Big Brother VIP Kosova 3” shkëmbyen mendime dhe diskutime të ndryshme mes tyre, duke zbuluar më shumë rreth arsyeve që i kanë shtyrë të hyjnë në këtë reality show.
Së fundmi, ata janë fokusuar në motivet e tyre personale për të marrë pjesë në këtë eksperiencë. Naim Bunjaku – Xuxi, një prej banorëve, shpjegoi se qëllimi i tij kryesor është që të sigurojë një të ardhme më të mirë për familjen e tij, dhe jo për të fituar famë.
“Jam këtu për familjen time. Kam nevojë për para dhe kjo është arsyeja pse kam hyrë”, tha ai. Ai theksoi gjithashtu se fame nuk është diçka që e kërkon: “Nuk kam hyrë për famë, nuk kam nevojë për të.”
Ky diskutim u ndez pas një komenti të Vullnet Krasniqit, i cili sugjeroi se Drenusha Latifi ka hyrë në shtëpi për të siguruar mirëqenien e fëmijëve të saj.
