Disa javë më parë në mediat online qarkulloi lajmi se vendin e moderatores Juli Krisafi në emisionin “Pasdite në Top Channel” do ta zinte gazetarja Bieta Sulo.
Pas këtyre lajmeve në një intervistë të dhënë së fundmi Bieta as nuk i pohoi dhe as nuk i mohoi këta zëra, por e anashkaloi këtë pyetje duke thënë se për momentin ishte e angazhuar si anëtare e jurisë së emisionit “Top Talent”.
Mirëpo në një intervistë për “Tirana Post” më në fund Bieta ka pranuar publikisht se ajo do të jetë moderatorja e emisionit të pasdites në “Top Channel”.
Ndërkohë që po përgatitjet për emisionin “Pasdite në Top Channel” Bieta është shprehur se ka një peng të madh dhe është pikërisht i biri, Kroi Art me të cilin do t’i duhet që tashmë të kalojë më pak kohë.
“E vërteta është që një emision i përditshëm është jashtëzakonisht impenjues. Patjetër që e kam keqardhjen për orarin e shkurtuar me njeri-tjetrin, por po e mendoj si një pavarësi të nevojshme edhe të Kroit prej meje. Kohë që do të kalohet me fëmijë, me më tepër zbavitje dhe që gjithsesi 1 orë e gjysmë do të mund të çmallet me mamën duke e parë në televizor”, ka thënë Bieta.
