Po bëhet pothuajse një vit që nga momenti që Beyonce solli në jetë binjakët Rumi dhe Sir. Këngëtarja ka qëndruar e heshtur që nga ai moment dhe gjithçka dimë dhe kemi parë janë disa foto të shpërndara në profilin e saj në “Instagram”.
Mirëpo për herë të parë për revistën “Vogue”, Beyonce ka rrëfyer se jeta e saj dhe e dy vogëlusheve ka qënë në rrezik gjatë shtatzënisë dhe për muaj me rradhë ka qëndruar në regjim shtrati. Këngëtarja është dërguar me urgjencë në spital dhe fëmijët kanë ardhur në jetë përmes lindjes çezariane.
Lexoni rrëfimin e saj për revistën “Vogue”:
“Pas lindjes së fëmijës së parë, fillova të besoj tek gjërat që shoqëria thonte sesi duhet të ishte trupi im. Dhe e gjendur përballë këtij fakti, vura veten në presion për të humbur në 3 muaj të gjithë kilogramët që shtova gjatë shtatzënisë. Dhe më pas u nis për tur. Tani që e mendoj, kjo ishte çmenduri.
Unë po ushqeja time bijë me gji gjatë shfaqjes në Atlantic City në 2012. Por me binjakët, gjithçka ishte krejtësisht ndryshe. Isha 218 pound (99 kilogramë) ditën që linda Rumin dhe Sir. Kam qënë në krevat për disa muaj si pasojë e enjtjes. Shëndeti im dhe i vogëlushëve ishte në rrezik, kështu që u detyruam t’i sillnim në jetë me lindje çezariane në mënyrë emergjente. Kemi qëndruar disa javë në spital. Bashkëshorti im ishte shumë luftarak dhe një suport i mirë për mua. Jam shumë krenare ta shoh si bashkëshort, shok i ngushtë dhe baba.
Pas operimit, trupi im nuk ishte më i njëjti. Nuk e di nëse të gjithë e kuptojnë se kisha nevojë për kohë që të shërohesha. Gjatë shërimit, e përqafova veten me shumë dashuri dhe kujdes dhe nuk më interesonte se isha rrumbullakosur. Gjashtë muaj më pas nisa të përgatitesha për festivalin e Coachellës. Hoqa dorë nga mishi, kafja, alkooli dhe frutat. U tregova shumë e duruar, ashtu siç edhe bashkëshorti dhe fëmijët e mi”.
