Pak para festivalit Coachella, Beyonce ka pushuar nga puna rreth 20 nga kërcimtarët e saj.
TMZ shkruan sot se ende mbetet e paqartë arsyeja përse ajo mori këtë vendim, edhe pse siç dihet, këngëtarja ka një ekip aq të madh (100 vetë) saqë mund të “sakrifikojë” disa prej tyre.
Por këto balerina nuk kanë mbetur pa punë, pasi pjesa më e madhe e tyre do të bëhen pjesë e ekipit të Cardi B, për të performuar në shfaqjen e saj të shumëpritur të së dielës.
Burimet pranë reperes amerikane konfirmojë së Cardi kishte rreth 16 kërcimtare rezervë kur iu shtua ekipi i ri. Asaj i pëlqente ideja që ta bënte edhe më madhështore performancën.
Plani është që të punësojë 4 deri në 5 nga ish-kërcimtaret e Beyonce.
Kohët e fundit reperja thuhet se ka shpenzuar rreth 300 mijë paund për të mbuluar kostot, por TMZ shkruan se shpenzimet u rritën deri në 450 mijë $.
