Është e vërtetë, Beyonce është shtatzënë! Diva e pop-it bëri sot publik lajmin e mrekullueshëm me anë të një fotografie në “Instagram”, se është në pritje të binjakëve.
Ajo postoi në “Instagram” një foto të saj ku mban barkun e rrumbullakosur, e shfaqur vetëm me të brendshme, vellon dhe e rrethuar nga lule, ku shprehu lumturinë e familjes dhe thekson se ndihen të bekuar që do zgjerojnë familjen me dy bebe.
“Do të dëshironim të ndanim dashurinë dhe lumturinë tonë. Jemi bekuar për të dytën herë. Jemi jashtëzakonisht mirënjohës që familja jonë do të shtohet me dy anëtarë dhe ju falënderojmë për urimet tuaja – Familja Carters”, shkruhej përkrah fotos së publikuar nga Beyonce.
Nuk mund të kishte lajm më të bukur për familjen Carter! Queen B është në pritje të ëmbël për herë të dytë, ndërsa tashmë Ivy Carter do të jetë motra e madhe!
