Artistët e nominuar te Grammy u shfaqën menjëherë në mediat sociale për të shprehur emocionet lidhur me lajmin.
Mbrëmja e rëndësishme e “Grammy Awards 2017” do të mbahet më 12 shkurt të vitit të ardhshëm në “Staples Centre” në Los Angeles dhe drejtuesi i këtij eventi kaq të rëndësishëm do të jetë komediani më i pëlqyer i vitit, James Gordon.
Dy mbretëreshat e mbrëmjes dhe njëkohësisht edhe rivale në skenë do të jenë Beyonce dhe Adele. Dy divat janë nominuar në kategoritë më të rëndësishme si: “Kënga më e mirë e vitit”, “Performanca më e mirë pop”, si dhe “Albumi më i mirë i vitit”. Ajo e cila ka rrëmbyer vëmendjen është Beyonce e nominuar në 9 kategori e pasuar nga Adele me 5 nominime.
Ata të cilët pasojnë dy këngëtaret në nominimet e albumit më të mirë të vitit janë Justin Bieber, Drake dhe Sturgill Simpson. Drake, Rihanna dhe Kanye West do të dominojnë mbrëmjen pasi të tre ata janë nominuar në 8 kategori secili.
Përsa i përket Beyonce ajo mbetet mbretëresha e çmimeve “Grammy” pasi këngëtarja e “Lemonade” ka fituar 20 të tilla, ndërsa Adele dhe Taylor Swift gjenden në vend të dytë dhe të tretë.
Burimi: USMagazine
