Është publikuar sot fotoja e Zhaneta Josifit dhe vajzave të saj, Anisa dhe Blerta, 30 dhe 34 vjeçe, të cilat tronditën zonën e Kombinatit mbrëmjen e djeshme pasi nënë e bijë ishin vetëflijuar në banesën e tyre, ndërsa vajza tjetër u gjet në gjendje të rëndë.
Nëna dhe dy vajzat, mësohet se ishin besimtare të sektit fetar ‘Dëshmitarët e Jehovait’ dhe duket se e kanë ndërmarrë aktin e rëndë të vetëflijimit pasi besonin te ringjallja dhe një jetë më e mirë, shkruan Balkan Web.
Alarmin e dha vëllai i Zhaneta Josifit, i cili nuk po komunikonte dot me to. Pas njoftimit forcat zjarrfikëse kanë shkuar në vendngjarje dhe kanë hyrë nga dritarja, pasi dera e apartamentit ka qenë e mbyllur nga brenda.
Ata kanë zbuluar skenën e rëndë, ku njëra prej vajzave kishte humbur jetën disa kohë më parë, tjetra në gjendje të rëndë ndërsa nëna u gjet e pajetë.
Të treja kishin shenja të mosushqyerjes. Ekspertiza mjeko-ligjore pritet të hedhë më tepër dritë mbi këtë ngjarje të rëndë. Kujtojmë se brenda banesës, policia ka gjetur disa letra me shënime fetare.
Blerta Josufi, vajza e vetme e mbijetuar e familjes në Kombinat, ka arritur të flasë pak me policët të cilët arritën ta shpëtonin. Ajo ishte në gjendje kritike për jetën por ka mundur të flasë për punonjësit e policisë.
“Ju s’e keni idenë se çfarë sakrificash kemi kaluar ne për të fituar ringjalljen”, është fjalia e vetme që sipas policisë ka dëshmuar deri më tani e mbijetuara, pas kontaktit të parë me uniformat blu.
Aktualisht Blerta Josifi ndodhet në psikiatri, te “Urgjenca nr 5”. Akualisht ajo është më e qetë dhe po merr trajtim.
/News24
