Anwar Hadid, vëllai i dy supermodeleve, Gigi dhe Bella Hadid, prej një jave është kthyer në një ndër personazhet më të përfolur të momentit në showbizin shqiptar dhe atë botëror për shkak të lidhjes së tij të dashurisë me Dua Lipën. Kudo në rrjet po qarkullojnë foto të çiftit në momente intime, të cilat konfirmojnë lidhjen e tyre.
Megjithatë, shumë ndjekës e kanë kundërshtuar këtë lidhje pasi mendojnë që ish-i i Duas, Isaac Carew ishte më simpatik se Anwar.
Ndërkohë, ndjekësit në rrjete sociale kanë dalë me një tjetër teori që Anwar Hadid është në fakt sozia e Bes Kallakut dhe këtë ja kanë shprehur edhe vetë Besit. Ky i fundit e ka publikuar bisedën në Instastory-n e tij, ku ndjekësi i ka dërguar një kolazh me foton e Besit bashkëngjitur me atë të Anwar.
“Ndryshimi i vetëm është se ky është me Duan, kurse ti me Ijen.”- i shkruan ai Besit me humor krahas fotos ku vërehet se dy djemtë kanë me të vërtetë ngjashmëri mes tyre.
Komente të ngjashme ka pasur edhe në profilin e “iconstyle.al” në Instagram, ku vihej re ngjashmëria.
