Kim Kardashian është mbretëresha e fotove selfie, jo më kot publikoi një libër me fotot e saj dhe e quajti “Selfish”. Mirëpo, duket se doktori i ka ndaluar kategorikisht që të bëjë foto sepse ka ardhur momenti që duart e saj të pushojnë.
Por, Kim, ka gjetur zgjidhjen gjeniale sesi të ndjekë rregullat e doktorit dhe të vijojë të realizojë selfie.
Në një klip të “Keeping Up With The Kardashian’s”, Kim prezanton asistenten që ka marrë për të realizuar selfie, kështu që duart e saj nuk do të lodhen. Ajo quhet Paxy dhe është pjesë e skuadrës së xhirimit të “reality show-t”, ndaj Kim e merr shërbimin pa pagesë.
“Kam marë Paxy-n që të më ndihmojmë me selfiet dhe unë mund të pushoj”-i tregoi Khloe-t dhe të ëmës Kris Jenner, Kim Kardashian.
Si gjithmonë, Kris u intrigua nga kjo zgjedhje e së bijës, ndaj mendon që edhe ajo të marrë një asistente vetëm për selfie, që të mos mungojë në asnjë moment në rrjetet sociale.
Eh, halle VIP-ash!
