Jessie J preku zemrën e të gjithëve me deklaratën se ajo nuk mund të bëjë dot fëmijë. 30-vjeçarja i tha fansave në një rrëfim rrënqethës se katër vite më parë mësoi se nuk mund të ishte shtatzënë.
Dhe tani këngëtarja e hitit “Price Tag” falenderoi të gjithë fansat për dashurinë dhe mbështetjen, si dhe iu dha një premtim: Edhe ajo, do të bëhet një ditë nënë!
“Pasi shpjegova në skenë kuptimin e këngës ‘Four Letter Word’, dashuria që kam marrë është e mrekullueshme. Faleminderit shumë. Katër vite më parë mësova se nuk mund të mbetesha shtatzënë dhe të sillja në jetë një fëmijë. Gjithashtu, doktorët më këshilluan të hyja menjëherë në sallën e operimit për të hequr mitrën dhe marrë trajtimin e duhur! E refuzova! Kam nisur një mjekim natyral dhe dietë që pres të ndryshojë githçka. Po e bëj gjithë këtë që trupi im ta lejojë mrekullinë. Unë dua të jem një nënë. Unë besoj në mrekulli. E di që nuk do të ndodhë në mënyrë natyrale. Ajo nuk paska qënë e shkruar të jetë pjesë e rrugëtimit tim. Jam e frymëzuar çdo ditë nga nënat që shoh përreth. Ne jemi të forta. Koha do e vërtetojë më së miri.” – shkruante në një postim në “Instagram” Jessie J, e cila së fundmi është e lidhur me aktorin Channing Tatum.
