Bes Kallaku ka folur për herë të parë për aludimet për ndarjen nga Xhensila Myrtezaj. Ai ka qenë i ftuar në “Natën me Aulonën”, ku ka rrëfyer këtë pjesë dhe se si e kanë pritur. Situata që u krijua në rrjet i kujtoi atij shprehjen e një prifti italian.
“Ne kemi një dëshirë vet-mallkimi për vendin tonë dhe për ata që ecin para. Kjo është shumë problem, përgjithësisht ne duam të bëhemi të mbarë brenda ditës. Nëse nuk mund të bëhemi brenda ditës themi, si u bë ai legeni. Besi ka 21 vite që punon. Që punoj në televizion, koncerte. Bëhesh nëse punon dhe ke vendosur të punosh. Edhe tjetra pastaj është që, ne kemi dëshirë shumë të madhe që të vërtetën ta pranojmë për gënjeshtër dhe gënjeshtrën për të vërtetë”, tha ai.
Ai shtoi: “Vjen një moment që mbushesh aq shumë sa duhet të bësh një lloj reagimi. Nëse nuk më vrasin mua, vrasin Xhensilën. Kur një njeri është i pastër, i rregullt, vjen një moment kur vritesh nga të gjithë fjalët. Gjithsesi, të jesh në rregull me ata nalt, për të tjerët rrotull le të thonë sepse ka diçka edhe përflitesh për gjithçka”.
