Kanë kaluar gati dy muaj që jemi karantinuar dhe shumë njerëz nuk janë të kënaqur me këtë fakt.
Nëse ditët e para dukej argëtuese dhe relaksuese të rrije në shtëpi duke mos bërë asgjë, tanimë është kthyer e mërzitshme dhe gati e padurueshme.
Këtë ndjesi po përjetojnë edhe disa nga personazhet e njohur dhe një ndër ta është këngëtarja Besa Kokëdhima.
Ajo i ka zbatuar masat parandaluese duke u izoluar në shtëpi dhe ka anulluar çdo aktivitet të mundshëm në lidhje me muzikën apo koncetet.
Nëpërmjet një postimi në InstaStory, Besa tregoi se është e mërzitur tashme me mbylljen në shtëpi. “Stop mbylljes. Mjaft më”, ka shkruar këngëtarja.
Ndoshta shumë njerëz e kanë gjetur veten tek ky postim dhe me të drejtë. Ndërkohë lehtësimet kanë nisur në vendin tonë, ku duke filluar nga data 18 maj hapen baret dhe restorantet.
