Pavarësisht se ka kaluar mbi një javë nga dasma e Ledion Liços dhe Sara Hoxhës, ende nuk janë publikuar fotot e ditës së tyre më të rëndësishme. Veç kësaj, disa nga të ftuarit, që janë personazhe të njohur publikë, po zbulojnë tani paraqitjen e fundjavës së 11-12 gushtit.
Besa Kokëdhima tregoi një ditë pas dasmës se çfarë kishte zgjedhur të vishte ditën e festimeve të pritjes: një fustan të gjatë tyli ngjyrë të kuqe.
Po vetëm paraditen e kësaj të hëne, këngëtarja e njohur shqiptare tregoi se çfarë fustani kishte zgjedhur të vishte ditën e dasmës.
Besa publikoi një foto ku shfaqet magjike me fustanin bezhë, të gjatë deri në fund të këmbëve, ku detaji më i rëndësishëm në të është pjesa e bustit.
Ky i fundit është i mbuluar me kristalet “Swarovski”, të cilat janë ndër më shkëlqyes dhe të përzgjedhur për të ndriçuar veshjet.
Fustani ka një të çarë që nis nga fillimi i kofshës, duke e treguar atë edhe më sensuale. Besa kishte zgjedhur si aksesorë vathët “Swarovski”, të cilët tërheqin vëmendjen me stilimin e flokëve.
Burimi: Instagram
