As kur ndodhet me pushime në Itali, aktori i humorit Bes Kallaku nuk i lë shakatë. Por ndryshe nga ne shqiptarët që e njohim, në Itali Besi nuk njihet.
Kështu gjatë vizitës së tij me bashkëshorten Xhensila Myrtezaj, disa vajza i kanë kërkuar Besit t’u bëjë një fotografi.
Pasi e shkrepi njëherë aparatin, Besi ia kërciti vrapit dhe vajzat të shqetësuara menduan se ai po u vidhte. Xhensila që ndodhej pranë mundohej t’i qetësonte vajzat se ishte vetëm një shaka, por njëra prej tyre bërtiti me të madhe “Jooooo”.
“Nooooo. Sa ka bërtit e shkreta, kujtoi se i ika…. (Kur turistet të japin aparatin t’i bësh i foto, por tu ka bo ves e ikmja me vrap)”, ka shkruar Bes Kallaku në videon e publikuar në profilin e tij në Instagram.
Çifti shoqërohet dhe nga miqtë e tyre, aktori Erion Isai dhe bashkëshortja e tij.
