“Zemër Luana” spektakli i argëtimit nën autorësinë dhe moderimin e Luana Vjollcës ka hapur siparin dhe publiku ka qenë mjaft kurioz për të mësuar se cilët do të jenë kapitenët e dy skuadrave.
Ky lajm sapo u konfirmua nga vetë Luana në hapjen e programit, ku prezantoi dy kapitenët që do e shoqërojnë këtë sezon të “Zemër Luana” dhe ia doli të bëjë bashkë dy nga aktorët më të përfolur të humorit, por që nuk flasin me njëri-tjetrin. Ata janë Bes Kallaku dhe Olsi Bylyku.
Dyshja refuzuan të përballeshin në skenë, por edhe pse tensioni shihej mes tyre, programi dhe argëtimi filloi.
Tani duhet të presim deri në fund të programit të shohim ç’ka ndodhur mes tyre sepse prej muajsh e kanë bërë merak publikun.
Bes Kallaku dhe Olsi Bylyku janë përfolur gjatë në media për një krisje të marrëdhënies së tyre. Dyshja përpos kolegë dhe bashkëpunëtorë, kanë qenë edhe shumë miq me njëri-tjetrin.
Aludimet nuk rezultuan të pabaza, pasi edhe vetë Olsi në një intervistë konfirmoi se marrëdhënia e tyre ishte ftohur.
U aludua edhe më herët se aktorët do të vihen përballë njëri-tjetrit në emisionin që filloi sot “Zemër Luana”.
Butrint Imeri ndau një video pak më parë ku duket në studion e emisionit, duke zbuluar kështu që do të jetë një nga të ftuarit.
Përpos kësaj, kjo video ka zbuluar edhe diçka tjetër. Në krah të tij duket Olsi Bylyku. Ishte ende e paqartë nëse Olsi do të jetë përballë Besit si kapiten i skuadrës tjetër, apo është thjesht i ftuar.
