Bertina dhe Erioni janë dy ish-banorët e edicionit të tretë të Big Brother që u lidhën brenda shtëpisë dhe vazhduan për 2 vjet edhe jashtë shtëpisë. Të gjithë besuam dhe shpresuar se ata të dy do ta kurorëzonin dashurinë e tyre me martesë, por me sa duket nuk ka qenë e thënë.
Çifti u nda dhe asnjëherë nuk e zbuloi arsyen e vërtetë të ndarjes. Pas kaq shumë kohësh ka folur për herë të parë Bertina duke shpjeguar arsyet e ndarjes së tyre.
“Ishte diçka që nuk e di as unë se si i hyra kësaj historie dhe si përfundoi. Ishim dy karaktere të kundërta, nuk mund të qëndronin dot bashkë. Erioni mund të jetë djalë shumë i mirë, ka gjithë respektin tim, por nuk ishim për njëri-tjetrin.”, ka thënë Bertina për “Mirage”.
Bertina prej kohësh ka braktisur Shqipërinë dhe është zhvendosur në Emiratet e Bashkuara ku punon në sektorin e marketingut në një kompani. Ajo ndihet e kënaqur me jetën e saj të re dhe nuk ka ndërmend të kthehet në Shqipëri.
