Majlinda Halilaj është deputetja e cila ka zëvendësuar Lulzim Bashën pas djegies së mandateve të tij nga opozita.
Disa ditë më parë ajo mbajti fjalimin e parë në Kuvend, mirëpo për shkak të gabimeve të shumta fjalimi i saj u komentua gjatë.
I zuri vendin Bashës në Parlament, shihni si i shqipton fjalët deputetja e opozitës së re on Vidnews.
Deputetja reagoi me një status në Facebook, ku sqaronte arsyen pse ishte ngatërruar gjatë fjalimit të saj.
“Gabimet janë për njerëzit çdo kush gabon nuk është perfekt …por çdo gabim ka një arsyje…nuk gjykohet njëri nga gabimet por nga mendimet që ka…sot për arsyje shëndetsore të problemit me syrin nuk isha e qartë për publikun.”- shkruante Halilaj në postim.
Mirëpo, ditën e sotme “Panorama” ka zbuluar se në fakt Majlinda Halilaj “ka vjedhur” fjalimin e ish-deputetes së PD-së.
Fjalimi i Halilajt ishte i njëjtë me një fjalim të mëparshëm të Jorida Tabakut.
Sipas “Panoramës”, nga fjalimi janë prerë disa fjali ku abuzohej me emrin e Kryeministrit Rama.
