Mediat serbe janë “tërbuar” nga veprimi i fundit i Miss Serbisë, Valentina Petrovic. Ajo ka bërë shqiponjën dykrenare teksa ka pozuar me Miss Kosovën dhe Miss Shqipërinë në “Miss Intercontinental” në Sharm el-Sheik.
Po ashtu, Miss Kosova dhe Miss Shqipëria kanë pozuar me përfaqësuesen serbe, duke treguar në foto simbolin serb me tre gishta, të cilin serbët e përdornin gjatë luftës në Kosovë.
Ky gjest i saj i ka habitur të gjithë dhe i është kundërvënë e gjithë Serbia.
Pas kësaj, Valentina është shprehur e penduar dhe nëpërmjet një postimi në rrjetet sociale ju ka kërkuar falje të gjithëve duke ka treguar se ka marrë vendimin që të lërë garën.
Pas largimit nga ky kompeticion ajo është kthyer menjëherë në atdheun e saj, ku duket se është shtruar në spital.
Së fundmi, sipas mikeshës së saj më të ngushtë thuhet se ajo ka qenë në stres të vazhdueshëm gjatë këtyre ditëve dhe është nën presion të madh, madje edhe gjatë kthimit në Serbi atë e kanë mbajtur gjatë në doganë.
“Jam në kontakt të rregullt me menaxherin dhe drejtorin e kompanisë Miss Yu që më njoftuan se Valentina kishte rënë dakord. E kuptoj dhe është e pranueshme kjo që ka ndodhur. Ka stres të tmerrshëm pas saj, është nën presion të madh, e kanë mbajtur më gjatë në doganë në kthimin në Serbi”, ka thënë Nadja, mikesha e ngushtë e Petroviç.
