Pak ditë më parë, këngëtarja me origjinë shqiptare Eleni Foureiras, e cila do të përfaqësoj Qipron në Eurovision, deklaroi se është krenare për rrënjët e saj shqiptare. Madje në një foto të publikuar nga këngëtari Eugent Bushpepaj, të dy shfaqeshin teksa me duar formonin shqiponjën. Por një veprim i tillë, ka ngallur debate të ashpra në mediat greke.
Ishte televizioni grek “Star”, që në faqen e tij në internet shkruan se Eleni Foureira dhe këngëtari shqiptar Eugent Bushpepa bënë simbolin e “Shqipërisë së Madhe”, duke e lidhur me nacionalistët dhe UÇK-në.
“Të gjithë e dimë që ky symbol që ka bërë Eleni me këngëtarin shqiptar përfaqëson idenë që shqiptarët kanë për “Shqipërinë e Madhe”, por me siguri Eleni nuk është në dijeni të një fakti të tillë ndaj e ka bërë atë veprim. Më duket se Eleni me këtë simbol tregon se nuk është nga Meksika” – komentoi me ironi, njëra prej gazetareve në studio.
Por edhe qytetarët grekë janë shprehur të zhgënjyer nga ky veprim i Elenit. Madje shumë prej tyre e kanë cilësuar si provokim. Eugent dhe Eleni ndodhet në Lisbonë, ku priten të shfaqen në skënën e Eurovizionit.
