Erald Halili është një ndër emrat më të përfolur të momentit pasi ai realizoi një video mbreslënëse me bukuritë e Shqipërisë.
Një udhëtim me dron nëpër të gjithë skajet e këtij vendi, nga Vermoshi në Konispol, për të na kujtuar se sa e bukur është Shqipëria jonë dhe sa shumë vende kemi për të eksporuar këtu.
Brenda dy ditësh, kjo video u bë mjaft virale dhe mori mijëra pëlqime, shpërndarje dhe komente.
Së fundmi, Erad Halili ka ndarë në InstaStory suksesin e rradhës, ku vihet re biseda me krijuesin e rrjeteve sociale, Mark Zuckerberg, i cili i ka shkruar:
“Përshëndetje Z.Erald Halili
Çfarë po ndodh në Shqipëri në këto momente?
Unë kam parë postimin tënd kudo në Instagram Stories.
Urime”, shkruan Zuckerberg dhe përgëzimin e shoqëron me një emoji duartrokitje.
Besojmë se nuk ka shqiptarë që pasi e ka parë këtë video nuk është ndier krenar dhe ka dashur ta shpalosë me të gjithë botën sa i bukur është atdheu ynë.
Por nuk mjafton vetëm kjo! Duhet ta duam Shqipërinë aq sa e duam në këtë video, të kthejmë sytë nga vendi ynë dhe të mos zgjedhim ta braktisim, të investojmë dhe të udhëtojmë nëpër bukuritë e këtij vendi sepse vetëm kështu do e bëjmë Shqipërinë një vend më të mirë për ne dhe brezat që do të vijnë pas!
