Ditën e djeshme Luiz Ejlli i hapi zemrën Kiara Titos duke i treguar për sëmundjen e rrallë nga e cila vuante. Por mesa duket nuk është hera e parë që artisti flet publikisht për këtë çështje.
Së fundmi në rrjetet sociale po qarkullon një intervistë e Ejllit rreth 5 vite më parë ku ka treguar si e ka zbuluar sëmundjen nga e cila vuan sot.
Edhe një herë ai u shpreh se e gjitha u zbulua nga një kontroll i zakonshëm.
“Shkuam me një shok duke qeshur se thamë në çojmë makinat në servis njëherë në 3 muaj dhe veten një herë në 10 vite. Është pak injorancë dhe gabim. Jua këshilloj gjithë meshkujve dhe femrave të shkojnë sa më shumë të kontrollohen,”-shprehej Luizi më herët.
Sipas asaj që u shpreh me Kiarën, artisti tha se në të gjithë botën janë vetëm 11 klinika që e kurojnë këtë sëmundje dhe në gusht artisti i njohur do të shkojë në Itali për të nisur kurimin.
“E kam në gjithë trupin ma ka dal 3 muaj para se të vija. Nuk e dija dhe më doli pas një check up që bëra. Kam për të ikur në gusht në Bergamo që të shtrohem dhe të kurohem. Më doli dhe parmbrëmë në jastëk, por thash kam një dhëmbë të prishur. “- i ka treguar ai ndër të tjera Kiarës.
