Filmat janë gjithnjë një zgjedhje e mirë e sidomos tani me ardhjen e vjeshtës, kthehen në aktivitetin e preferuar.
Nëse i shtojmë edhe faktin se mundësitë e argëtimit në këto kohë pandemia janë të limituaar (na qan zemra për jetën e natës), atëherë na duhet me të vërtetë një listë shumë e gjatë me filma.
Ju i kërkuat me ngulm dhe sugjeruat vetë filma, seriale, madje edhe telenovela turke(xp).
Emily In Paris
Është seriali më i sugjeruar nga ju. Ai flet për Emily (e luajtur nga Lily Collins), një specialiste marketingut nga Chicago, e cila zhvendoset në Paris për të punuar pranë një firme franceze. Emily përpiqet të ketë sukses në vendin e punës ndërsa është në kërkim të dashurisë dhe përjeton përplasje të kulturës me edukimin e saj “të mërzitshëm” Midwestern. Në serial interpretojnë gjithashtu Ashley Park, Philippine Leroy-Beaulieu, Lucas Bravo, Samuel Arnold, Camille Razat dhe Bruno Gouery.
Enola Holmes
Është një film (mister) amerikan i 2020 i bazuar në librin me të njëjtin emër nga Nancy Springer. Historia flet për motrën adoleshente të Sherlock Holmes tashmë të famshëm, e cila shkon në Londër në kërkim të nënës së saj që është zhdukur. Filmi drejtohet nga Harry Bradbeer, me skenar të Jack Thorne. Millie Bobby Brown luan si personazhi kryesor, ndërsa është edhe producent në film. Henry Cavill, Sam Claflin, Adeel Akhtar, Fiona Shaw, Frances de la Tour, Louis Partridge, Susie Wokoma dhe Helena Bonham Carter shfaqen në rolet dytësore.
Baby
Është një serial italian, gjithashtu prodhim i Netflix. Debutoi me sezonin e parë më 30 nëntor 2018. Në qendër të tij janë studentë në një shkollë të mesme elitare në Romë që merren me prostitucion. Ai bazohet në historinë e dy vajzave të një shkolle të mesme në Romë të përfshirë në një rrjet prostitucioni.( “Baby Squillo” në 2014).
It’s Okay to Not Be Okay
Nuk e dimë si i keni punët me kulturën koreane, por këtë serial e kanë sugjeruar shumë prej jush. Në qendër të serialit romantik, prodhim i 2020, janë protagonistët Kim Soo-hyun dhe Seo Ye-ji. Seriali tregon një histori të pazakontë romance midis dy personave që përfundojnë duke shëruar plagët emocionale dhe psikologjike të njëri-tjetrit.
Wildlife
Aktori Paul Dano drejtoi këtë dramë, bashkë-shkruar me partneren e tij Zoe Kazan. Carey Mulligan luan si një grua në 1960, burri i së cilës largohet për një punë me pagë të ulët duke luftuar një zjarr në pyll. E mbetur me djalin e saj të vetëm, ajo duhet të kuptojë se si t’i sigurojë vetë jetesën.Është një portret lirik, prekës i atyre ditëve në të cilat dikush së pari kupton se prindërit e tyre janë gjithashtu krijesa me të meta.
Y Tu Mamá También
Para se të bënte Harry Potter dhe Prisoner of Azkaban apo Children of Men or Gravity, regjisori Alfonso Cuarón drejtoi kryeveprën erotike Y Tu Mamá También. Drama në gjuhën spanjolle flet për dy miqtë më të mirë adoleshentë që shkojnë në një udhëtim rrugor me një grua në të njëzetat e saj të fundit, për të zbuluar shumë më tepër për njëri-tjetrin dhe veten e tyre.
Dhe tani kalojmë në pjesën tuaj të preferuar: Filmat horror
The Conjuring 2
Evil Dead
The Nun
Truth or dare
The run
Veronica
The ring
Bird box
The pool
VFW
The Antenna
Për ta mbyllur me telenovelën turke, që është sugjeruar aq shuuuumë… “Sen çal kapimi”.
