Natën e sotme ka startuar edicioni i dytë i “Big Brother Vip”. Përpos konkurentëve që priten të zbulohen gjatë natës së sotme një vëmendje është edhe nga opinionistët.
Një ndër to që është konfirmuar që më herët është Arbër Hajdari. Krah tij gjatë mbrëmjes së sotme u zbulua që do të jetë edhe Zhaklin Lekatari.
Sa i përket emrave që do t’i bashkohen “Big Brother Vip Albania”, deri më tani si konkurrentë janë aluduar Kiara Tito, Albi Nako, Amos Zaharia, Jori Dielli, Tea Trifoni dhe Eva Aliko. Ndërsa Olta Gixhari sapo është futur në shtëpi.
Gjatë një interviste të dhënë më herët, moderatorja Arbana Osmani u shpreh se kasti i personazheve që do të marrin pjesë në “Big Brother Vip 2” do të jetë më i mirë se ata të sezonit të parë.
“Është përzgjedhur kasti. Kemi kërkuar personazhe dhe karaktere që njerëzit të afeksionohen pas tyre. Edhe në edicionin e parë, publiku e ndiqte sepse u pëlqenin personazhet, jo skandalet. Ndryshe nga viti i kaluar janë personazhe më të njohur dhe kanë karriera më aktive dhe më të gjata. Ka një konkurrencë shumë më të madhe se kush do të hyjë, nga viti që shkoi. Kemi gati një edicion të ri me një kast të shkëlqyer që mbase do t’i lënë në hije ata të edicionit të kaluar”- tha Arbana Osmani.
