Ben Affleck zbuloi të martën se përfundoi trajtimin për varësinë ndaj alkoolit në një qendër rehabilitimi. Aktori i “Hollywood”-it, i cili kërkoi ndihmë për abuzimin me alkoolin që në vitin 2001, u pa për herë të fundit në publik në ceremoninë e Academy Awards, më 26 shkurt.
Ai e bëri të ditur lajmin në “Facebook” duke e quajtur, “diçka që është përballur në të kaluarën dhe do të vijojë përpjekjet”.
Affleck, i cili ka tre fëmijë me Jennifer Garner, ishte në lajmet kryesore të mediave, ndërkohë që ata i kanë dhënë lidhjes së tyre një tjetër shans, duke qëndruar në status-quo.
“Dua t’i bëj të ditur fëmijëve të mi se nuk është turp të kërkosh ndihmë kur ke nevojë dhe të jenë një burim force për këdo që kërkon ndihmë, por ka frikë të marrë hapin e parë”, tha aktori 44-vjeçar.
Për herë të parë Affleck shkoi në qendër rehabilitimi në vitin 2001. Ai falënderon familjen dhe miqtë për dashurinë e tyre dhe Garner në veçanti për mbështetjen e saj dhe kujdesen për tre fëmijët kur ai ka qenë në rehabilitim.
“Ky është hapi i parë i disa hapave që do të ec përpara për një kthim pozitiv”, shkruan më tej Affleck.
Burimi: Daily Mail
