Aktori i njohur Ben Affleck njihet tashmë për urrejtjen e tij ndaj paparacëve si dhe cënimin e privatësisë së tij. Ben në një video të fundit shfaqet i acaruar me paparacët që e ndjekin në çdo lëvizje.
Këta të fundit sapo panë makinën luksoze të Ben teksa i afrohej shtëpisë, u dyndën duke fotografuar me blicët e aparatëve të tyre verbues. Ishte kjo arsyeja që shtyu aktorin të ndalojë makinën në vend dhe të dilte prej saj i agravuar.
“Dëgjo, do shkaktosh një aksident. Mos i ndizni blicat kur jam duke i dhënë makinës në rrugë. Është e rrezikshme.” ka bërtitur aktori dhe në momentin kur është kthyer në makinë, paparacët kanë vazhduar ta fotografojnë duke i shkaktuar sërish acarim.
“Nuk mund të shoh. Do të lëndosh dikë duke e bërë këtë, është vajza ime këtu, nëse i ndez dritat drejt saj, e vë në rrezik. A e kupton këtë?” tha Affleck.
Pas fjalëve të Ben, paparacët u ndërgjegjësuan dhe ranë dakord me të.
