Orgesa Zaimi është një nga këngëtaret më të njohura shqiptare, e cila prej vitesh ka kënaqur publikun shqiptar me zërin e saj.
Mirëpo duket se talentin dhe pasionin e saj do ta trashëgojë edhe bija, Bora, e cila është vetëm 6 vjeç.
Vetë Orgesa e ka zbuluar sot talentin e të bijës përmes një postimi në Instastory. Bora ka shkruar një këngë dhe e ka lënë me porosi që mami Orgesa ta lexojë.
“Kënga ime… Mami shiko tani” – ka shkruar vogëlushja sipër letrës që në brendësi ka vargjet e këngës që ka krijuar.
“Kënga e parë që ka shpikur Bora quhet ‘O Zot i madh’… Vetëm pusulla ka tërë shtëpia me çfarëdolloj krijimi që i shpik mendja asaj” – shkruan këngëtarja në videon e publikuar.
Nga ana tjetër Orgesa ka treguar se dhe i biri është i prirur drejt artit, por ndryshe nga Bora ai ka pasion pikturën.
