Ajo është nënë e tre fëmijëve, por tregohet shumë e rezervuar për jetën e saj private. Vetëm pak vite më parë publiku shqiptar mësoi se Valbona Selimllari është nënë e tre fëmijëve.
Dhe në këto vitet e fundit, Valbona e ka ruajtur me fanatizëm identitetin e fëmijëve, me përjashtim të disa evenimenteve kur ajo ka preferuar shoqërinë e djemve.
Por në mbrëmjen që lamë pas, Valbona ka preferuar të marrë vajzën në koncertin “Divat” të emrave të njohur të muzikës si Rovena, Irma, Besa dhe Eneda.
Në fotot e siguruara nga Gazeta Express, vogëlushja shihet se ka mjaft ngjashmëri me të ëmën. Megjithatë tiparet që e veçojnë janë flokët me onde dhe në ngjyrë të çelur që e bëjnë të duket shumë lozonjare.
Ndonëse e turpshme përpara kamerës dhe pa i hequr dorën së ëmës, e vogla e ka shijuar shumë koncertin e “Divave”.
