Nëna e saj Yolanda poston vazhdimisht fotografi në mediat sociale për të dokumentuar betejën e saj me sëmundjen “Lyme”. Dhe Bella Hadid u dha fansave të saj të hënën një paraqitje të shkurtër se si është të luftosh me këtë sëmundje.
Kjo sëmundje, e njohur ndryshe si “Lyme borreliosis”, është një infeksion i cili shkaktohet nga bakteri Borrelia dhe gjendet në 25% të njerëzve. Ai shfaqet në formën e njollave të kuqe në lëkurë, si dhe shkakton kruarje të shpeshta. Në një formë më të avancuar, pasojat e saj arrijnë deri në humbje të aftësisë lëvizëse të fytyrës, dhimbje të forta koke, temperaturë e lartë, si dhe probleme me zemrën.
Por mund të bëhet dhe pengesë e madhe në zhvillimin e aktivitetit normal jetësor, ashtu siç është bërë për modelen e famshme, Bella Hadid.
19-vjeçarja ndau disa foto me fansat e saj, ku tregon sesi përditë i duhet të përballet me sëmundjen dhe trajtimin e saj. Ajo nuk është e vetmja nga fëmijët, pasi edhe i vëllai Anwar është diagnostikuar me këtë sëmundje.
Vajzës më të vogël të familjes i është dashur të heqë dorë nga sporti i saj i preferuar për shkak të kësaj sëmundjeje. Pak kohë më parë, Bella tregoi se nuk mund të konkurronte në Lojërat Olimpike në sportin e kalërimit, pasi në këtë mënyrë simptomat do të përkeqësoheshin.
Nëna e tyre iu nënshtrua një operacioni javën e kaluar, ndërsa Bella u shpreh lidhur me këtë sëmundje: “Kam luftuar me Lyme dhe infeksionet e tjera për dy vitet e fundit, më kanë larguar nga kalërimi, frekuentimi i shkollës dhe më kanë vështirësuar punën, të cilat janë të gjithë gjërat për të cilat jam e pasionuar”.
Gigi është e vetmja nga pjesëtarët e familjes që nuk është infektuar me këtë sëmundje.
Burimi: Daily Mail
