Mbi një javë më parë, motrat Bella dhe Gigi Hadid iu bashkuan mijëra njerëzve në Nju-Jork, që protestuan kundër urdhrit të Donald Trump për ndalimin e emigrantëve.
Modelet u shfaqën bashkë me nënën e tyre Yolanda Hadid dhe disa miq, ndërsa mbanin në duar pankartën për barazinë e njerëzve.
Në një intervistë për “Elle”, Bella foli lidhur me eventin.
“Unë vij nga një formim shumë i ndryshëm. Kam pasur eksperienca të pabesueshme nga e gjithë bota… dhe kam mësuar se jemi të gjithë njerëz dhe të gjithë meritojmë respekt dhe mirësi. Nuk duhet t’i trajtojmë njerëzit sikur nuk meritojnë mirësi, vetëm për shkak të etnive të tyre. Nuk është e drejt. Dhe ai mesazhi- “Të jemi të mëshirshëm kur mundemi”-është shumë i rëndësishëm për mua”, sqaron Bella arsyen e pjesëmarrjes së tyre në protestë.
Burimi: Elle
