Supermodelja Bella Hadid është akuzuar gjithmonë se i është nënshtruar një operacioni në hundë dhe ka përdorur fillers në fytyrë, që kur nisi karrierën e saj të modelingut në vitin 2013. Në një intervistë për revistën “Instyle”, 21-vjeçarja hodhi poshtë të gjitha zërat teksa kërkoi nga “kritikuesit” të hedhin më parë një vështrim tek vetja.
“Njerëzit mendojnë se kam bërë operacione ose ndërhyrje të tjera. Dhe e dini çfarë? Nëse keni dëshirë mund të shkojmë t’i bëjmë një skanim fytyrës sime e të jetoni të qetë!” – tha modelja.
Bella rrëfeu se nuk do të përdorë kurrë fillers në fytyrë, pasi nuk do të ndryshojë asnjë detaj të fytyrës që i ka falur zoti.
“Kam shumë frikë të vendos fillers tek buzët. Nuk dua ta shkatërroj fytyrën time” – tregoi për revistën 21-vjeçarja.
Kjo nuk është hera e parë që Bella përgjigjet kaq ashpër, hipotezave se i është nënshtruar operacioneve plastike. Mirëpo fansat sërish nuk janë të bindur.
“Si është e mundur që të realizohet ky ndryshim sa hap e mbyll sytë?”- shkruajnë ata në rrjetet sociale.
