Belen Rodriguez tregon gjithmonë përditshmërinë e saj, por kur flitet për anët negative të jetës ajo është e rezervuar. Gjatë emisionit “L’intervista” me moderatorin Maurizio Costanzo, Belen Rodriguez rrëfeu për herë të parë se ishte Stefano De Martino ai që e la.
“Kur prishet një familje është vërtet një mëkat. Ndarja vijon të jetë plaga ime më e madhe e hapur. Por, mund të them që nuk kam pengje. Familja për mua ka rëndësi më shumë se çdo gjë tjetër dhe e di se bëra çdo gjë për ta mbajtur të bashkuar, por fatkeqësisht nuk funksionoi. Ishte Stefano ai që më la”, tha e përlotur prezantuesja argjentinase.
“U bëra mama, kuçkë, kuzhiniere, por çdo fustan që vishja, nuk bënte punë. I bëja të gjitha unë, ndaj vendosa të fikja siguresat”, u shpreh Rodriguez për martesën me balerinin.
Ajo u shpreh se vazhdon te ketë ende marrëdhënie të mira dhe se De Martino është një baba i shkëlqyer për djalin Santiago. Aq të përkushtuar sa e shohim në rrjetet sociale duket se Belen është edhe në jetën reale. Ajo ka vendosur që mos të marrë një dado për djalin, pasi dëshiron të kujdeset vetë për të. E punësuar prej saj është vetëm një zonjë që e ndihmon në shtëpi, por për të birin kujdeset vetëm ajo ose ndonjëherë familja e saj.
Belen pranoi të fliste edhe për lidhjen e saj më të re me pilotin e Moto GP, Andrea Iannone: “Nuk dua ta ekspozoj shumë historinë time të re, por po them vetëm se kam gjetur një person që po më jep atë që s’ma ka dhënë kurrë askush”.
Ndërsa u kujtua ish-partneri i saj, Fabrizio Corona, për herë të parë Belen u shpreh se kishte shkëmbyer një bisedë të shkurtër me të këtë verë. “Më shkroi një mesazh: “Rikthehu të jesh cigania që ke qenë”. Dhe unë e sigurova: “Ji i qetë, aty është akoma!”.
Me eksperiencën që ka fituar me meshkujt, bukuroshja argjentinase pranoi se tani arrin t’i dallojë të metat: “Kur isha më e vogël, më tërhiqte djali i bukur, kërkoja Ken-in. Por një grua fillon të shijojë [seksin] në moshën 27-vjeçare, maksimumi është kur arrin të 30-at. Më përpara ishte shtirje, është më shumë si aktrim”.
Burimi: Vanity Fair
