Dy ditë më parë, kryebashkiaku i Tiranës, Erion Veliaj, njoftoi se pasi kishte kryer testin, kishte rezultuar pozitiv me Covid-19.
Megjithatë, ai bëri me dije se është në gjendje të mirë shëndetësore, së bashku me anëtarët e tjerë të familjes, teksa bëri thirrje për kujdes nga qytetarët.
“Miq, pas testit më njoftuan se dola pozitiv nga covid-19. Jam në gjendje të mirë shëndetësore, ashtu si edhe familja ime. Por, nga sot do të vazhdoj të punoj me të njëjtin përkushtim për Tiranën nga shtëpia.
Askush prej nesh nuk është imun ndaj këtij virusi, ndaj JU LUTEM
mos harroni të lani duart sa më shpesh dhe mbani maskë për të mbrojtur sa më shumë veten dhe familjarët tuaj!
Lus më të mirën për familjet tuaja! Shëndet e dashuri të gjithëve dhe mirënjohje e thellë mjekëve heronj! Do shihemi sërish”, shkruante Veliaj.
https://www.facebook.com/ErionVeliaj/posts/10158704941146926
Mbrëmjen e sotme, bashkëshortja e Veliajt, Ajola Xoxa ka ndarë një foto në llogarinë e saj në Instagram dhe në komente nuk ka munguar edhe një kritikë.
Dikush i sugjeron Ajolës të kujdeset për kryebashkiakun e t’i lërë fotot në Instagram, ndërsa nuk ka vonuar shumë përgjigjja e saj:
“Hallin tim s’e paske fare e. Po i bejme te dy yzmet njeri tjetrit, pa merak. Beji dhe ti yzmet jetes tende dhe mos i paragjyko te tjeret pa i njohur hic.”- i është përgjigjur ajo.
Në fakt, fjalët e saj “i bëjmë të dy yzmet njëri-tjetrit” na bëri të mendojmë se gjithashtu Ajola mund të jetë infektuar nga Veliaj dhe tashmë po kujdesen së bashku.
Megjithatë, nuk kemi ende asnjë informacion lidhur me këtë.
