Ndonëse ajo është më shumë aktive si moderatore, Klea Huta e ka treguar se di të këndojë shumë mirë.
Kështu në familjen e saj dhe Elgit Dodës janë dy këngëtarë. E në një situatë të tillë vjen naturshëm pyetja nëse dyshja do të sjellin ndonjë duet me njëri-tjetrin.
Pikërisht këtë pyetje ia ka bërë një ndjekës së fundmi Kleas në një “ask me a question” që ka zhvilluar në Instagramin e saj. Dhe “po”.
Moderatorja ka pohuar se po “gatuhet” një bashkëpunim mes saj dhe Gitit.
Kujtojmë që moderatorja dhe këngëtari janë një nga çiftet më të preferuara të publikut. Ata janë edhe prindër të një djali, i cili quhet Krid.
Më herët, i ftuar “Në kurthin e Piter Panit”, Elgiti foli për jetën e tij personale.
Kantautori iu përgjigj edhe pyetjeve me ‘spec’ nga fëmijët e emisionit. Disa nga pyetjet ishin: “Çne Klea me ty?”, “Si të zgjodhi Klea ty?” etj.
Ndër të tjera, këngëtari tha se ishte pikërisht ai që e zgjodhi Klean, pasi po të ishte në dorën e Kleas, sipas tij, ajo nuk do ta zgjidhte.
“Në fakt ke bërë një pyetje shumë me vend, sepse të ishte se do të më zgjidhte ajo, nuk do të më zgjidhte, por e zgjodha unë. E mora”, tha ai ndër të tjera.
